ഫാസ് സസ്നേഹം പദ്ധതി
ഫാസിന്റെ പ്രവര്‍ത്തനമേഖലയായ പരവൂര്‍, പൂതക്കുളം, നെടുങ്ങോലം പ്രദേശങ്ങളില്‍ വച്ച് വ്യക്തികള്‍ക്ക് അടിയന്തിര ഘട്ടങ്ങളിലുണ്ടാവുന്ന ജീവകാരുണ്യപരമായ ആകസ്മിക ചെലവുകള്‍ നിറവേറ്റാന്‍ കഴിയാതെവരുമ്പോള്‍ സാമ്പത്തികസഹായം നല്‍കുന്ന പദ്ധതിയാണ് څഫാസ് സസ്നേഹംچ എന്ന പേരില്‍ 2015 ജനുവരി ഒന്നുമുതല്‍ നടപ്പിലാക്കിവരുന്നത്.
മനുഷ്യസ്നേഹത്താല്‍ പ്രചോദിതരാവുന്ന അംഗങ്ങള്‍, ബഹുജനങ്ങള്‍, സംഘടനകള്‍, സ്ഥാപനങ്ങള്‍, പ്രസ്ഥാനങ്ങള്‍ തുടങ്ങിയവരില്‍ നിന്നുലഭിക്കുന്ന തുകയും ഫാസിന്റെ വിഹിതവും ചേര്‍ത്തുള്ള സഞ്ചിത നിധി ഉപയോഗിച്ചാണ് څഫാസ് സസ്നേഹം പദ്ധതിچ നടപ്പിലാക്കുന്നത്. ഒരു വ്യക്തിക്ക് പരമാവധി 2500 രൂപയാണ് സഹായത്തിന് അര്‍ഹത. ജാതി-മത-രാഷ്ട്രീയ-പൗരത്വ വിവേചനം കൂടാതെ ജീവകാരുണ്യപരമായ അര്‍ഹതമാത്രം മാനദണ്ഡമാക്കിയാണ് څഫാസ് സസ്നേഹം പദ്ധതിچ പ്രാവര്‍ത്തികമാക്കുന്നത്. څഫാസ് സസ്നേഹം പദ്ധതിچയുടെ സഞ്ചിതനിധിയിലേയ്ക്ക് ഓരോ വര്‍ഷവും 10,000 രൂപ നിക്ഷേപിക്കാമെന്ന് സമ്മതിക്കുകയും ആദ്യഗഡു നല്‍കുകയും ചെയ്ത ഡോ: ഗോപികുമാറാണ് ഈ പദ്ധതിക്ക് പ്രേരണയും പ്രചോദനവുമായത് എന്ന് നന്ദിപൂര്‍വ്വം സ്മരിക്കട്ടെ.വ്യക്തികള്‍ക്ക് അടിയന്തിരഘട്ടങ്ങളില്‍ വേണ്ടിവരുന്ന ജീവകാരുണ്യപരമായ ആകസ്മിക ചെലവുകള്‍ നിറവേറ്റാന്‍ കഴിയാതെവരുന്ന അവസരങ്ങളില്‍ څസസ്നേഹം പദ്ധതിچയില്‍നിന്ന് സഹായം ലഭിക്കുന്നതിന് ഫാസിന്റെ പ്രസിഡന്റ് (94460 43866)/സെക്രട്ടറി (94957 02743)/ഖജാന്‍ജി (94475 91807)-യുമായി ബന്ധപ്പെടേണ്ടതാണ്.
